Әлеуметтік желілерде белгісіз адамдардың сайлау учаскелерінің бірінен соң біріне кіріп дауыс беріп жүргені туралы ақпарат тарап жатыр.

Өскемен қаласының аумақтық сайлау комиссиясы бұл ақпаратты жоққа шығарды, деп хабарлайды Altaynews тілшісі.

«Қазіргі сәтте сайлау процесіне қатысушылардан аталмыш учаскелік сайлау комиссияларының әрекетіне қатысты ресми өтініштер мен шағымдар жоқ. Өтініштер келіп түскен жағдайда бұл дәлелдер Қазақстан Республикасының Заңнамасына сәйкес қаралады, - деді Өскемен қаласының аумақтық сайлау комиссиясының төрағасы Нұрлыбек Шерубаев.