Өскеменде халықаралық теннис турнирі өтті
Өскемен қаласында 18 жасқа дейінгі балалар арасында үшінші санаттағы ITF Juniors турнирі мәресіне жетті.
Аталмыш халықаралық жарыста қазақстандық жастар табысты өнер көрсетті, деп хабарлайды Altaynews тілшісі.
Бозбалалар арасында Ілияс Маратұлы финалға дейін жетіп, соңғы бәсекеде ресейлік Амирхамза Насридиновке жол берді – 2:6, 1:6.
Қарағанды теннис мектебінің түлегі Виталий Зацепин жұптық сында Насридиновпен бірге финалда ресейліктер Даниэль Хазиме – Олег Колниновті 6:1, 6:4 есебімен ұтып, жеңімпаз атанды.
Қыздар арасында алматылық Іңкәр Дүйсебай ресейлік Кристина Сидоровамен бірге финалда қазақстандықтар Әдемі Аманкелді – Сати Әубәкірованы 7:5, 7:6 (7:0) есебімен қапы қалдырып, жеңіс тұғырына көтерілді. Іңкәр жекелей сында жартылай финалға дейін жетті.
Сонымен қатар оқыңыз
Өскеменде халықаралық теннис турнирі өттіТеннистен халықаралық турнир Өскеменде өттіҮлкен теннистен жасөспірімдер арасындағы халықаралық«Ust-Kamenogorsk ITF Junior G3» санатты жарыс мәресіне жеттіТокио-2020: Данияр Қайсанов финалға шыға алмадыБалуандарымыз Еуразия кубогінде үшінші орынды қанағат тұтты