KZ
Өскемен
+8°
пасмурно жел 5 м/с, З
448.15 483.46 4.86

ШҚО-да туған спортшы қыздар Тайландта топ бастап келеді

Фото: ҚР ескек есу слаломы Федерациясы

22.05.2023, 19:45 1 164 Дәурен Аллабергенұлы

Жастар мен жасөспірімдер арасындағы ескек есу слаломынан Азия чемпионаты осы күндері Тайландта өтуде.

Шығысқазақстандық спортшылар дәстүрлі жеңіс жолын жалғастырып келеді. Бұл жақта аталған спорт түрі ежелден дамыған және, ең бастысы, қажетті инфрақұрылымға ие, деп хабарлайды Altaynews тілшісі.

Қазақстанда слаломға арналған бірде-бір есу арнасы жоқ. Сондықтан спортшылар көбінесе шетелге ата-аналарының қаржысына баруға мәжбүр. Бірақ, соған қарамастан, біздің жастарымыздың Азияда көшбасшы болып қалуына кедергі жоқ.

Тайландта өткен Азия чемпионатында Шығыс Қазақстан ескек есу слалом мектебінің тәрбиеленушілері негізін құрайтын Қазақстан құрамасының қоржынында қазіргі уақытта үш күміс және бір алтын бар.

Басты кейіпкерлер – командалық каноэ жарысының өкілдері – Азия чемпионы Влада Тараданова, Анастасия Носкова және Анастасия Ананьева. Біздің қыздар басқа командаларға қарағанда барлық жағынан мықты болды. Тіпті тайлықтардың өздері 22,14 секундқа артта қалды.

Виктория Моисеева, Дарья Чешуина және Екатерина Таранцевадан құралған байдаркадағы қазақстандық әйелдер командасы күміс медаль жеңіп алды. Біздің спортшыларымыз тек Тайланд өкілдеріне ғана есе жіберді.

Тағы бір күміс медальді Қазақстан құрамасы ерлер каноэсында жеңіп алды. Жапония құрамасымен айыппұл секундтары тең болған кезде Владислав Рябко, Дмитрий Носков және Әділ Аманбаев қарсыластарына небәрі 2 секунд қана есе жіберді.

Жеке біріншілікте Қазақстан құрамасында бір ғана медаль бар – Сергей Антонов айыппұлсыз таза прокаттың арқасында құрмет тұғырының екінші сатысына көтерілді.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив