Латвия астанасы Ригада өтіп жатқан шайбалы хоккейден әлем чемпионатында Қазақстан командасы екінші кездесуін өткізеді деп хабарлайды Алтайньюс тілшісі.

Olympic.kz ақпараты бойынша, кездесу бүгін Нұр-Сұлтан уақытымен 19:05-те басталады. 

Бұған дейін хабарлағанымыздай, Қазақстан командасы алғашқы матчта Латвиямен кездесіп, буллит сериясында 3:2 есебімен жеңіске жетті.

В тобында сынға түсетін Юрий Михайлис шәкірттері екі ұпаймен өз тобында төртінші орында келеді.  Бұл топта алты ұпай жинаған Германия көш бастап тұр. Төрт ұпайы бар Латвия командасы екінші, үш ұпай еншілеген Финляндия үшінші орында. Канада, Норвегия және Италия командалары әзірге ұпай алған жоқ.