ШҚО ПД қызметкерлері мен ТЖД құтқарушылары өңірде сертификаты жоқ пиротехникалық өнімдерді сатумен күресуге бағытталған 120-ға жуық рейд жүргізді.

Профилактикалық іс-шаралар барысында отшашуларды сатуға рұқсат беретін лицензияның бар-жоғы тексеріледі, деп хабарлайды Altaynews тілшісі.

"Пиротехника" жедел - профилактикалық іс-шараларының нәтижелері бойынша 131 контрафактілік бірлік тәркіленді. "Әкімшілік құқық бұзушылық туралы" ҚР Кодексінің 196-бабы 1-бөлігі бойынша 7 хаттама жасалды. Өскемен қаласында, Күршім, Зайсан және Шемонаиха аудандарында заңсыз сату нүктелері анықталып, 268 013 теңге сомасына айыппұл салынды.

Сатушылардың айтуынша, рұқсат құжаттарын алуға уақыт тығыз болған көрінеді.

Тәртіп сақшылары облыс тұрғындарына пиротехникалық бұйымдарды контейнерлерден тыс жерде және пиротехникалық бұйымдарды сақтауға лицензиясы мен рұқсаты жоқ адамдардың ашық сөрелерден, автокөліктерден, шатырлардан, қолдан қолға және адамдар жүретін орындарда сатуға қатаң тыйым салынғанын тағы да еске салады.

Ең алдымен, өнімнің сертификатталғанын көру үшін пиротехниканы пайдалану ережелерімен танысу қажет. Оны сақтау және сату мерзіміне назар аударуды ұмытпаңыз: егер тауар мерзімі өтіп кетсе, оны ешуақытта қолдануға болмайды. Қаптама бүтін болуы, жыртылмауы керек. Ғимараттар мен пәтерлерде отшашуды атуға болмайды. Тұрақта тұрған автомобильдер мен ғимараттардың жанында отшашулар түрін  атуға болмайды. Іске қосу радиусында 50 метрде өрт қауіпті объектілер болмауы тиіс. Балаларға петардаларды іске қосуға қатаң тыйым салынады.