ШҚО-да қос азаматтық фактілерінің өсуі байқалады. Мәселен, 2022 жылы ШҚО ПД Көші-қон қызметінің қызметкерлері 60-қа жуық қос азаматтықпен жүрген адамды анықтаса, 2023 жылдың қаңтарында құқық қорғау органдары қос азаматтығы бар 6 құқық бұзушыны ұстады.

ШҚО ПД Көші-қон қызметі облыс аумағында қос азаматтығы бар адамдарды анықтау бойынша күнделікті жұмысты жалғастыруда, деп хабарлайды Altaynews тілшісі.

Мысалы, ағымдағы жылдың қаңтар айында Шемонаиха ПБ қызметкерлері екі зейнеткерді анықтаған, олар 2022 жылы Ресей Федерациясының азаматтығын алып, ол туралы Ішкі істер органдарына немесе ҚР шетелдегі мекемелеріне хабарлама жасамаған. Осы уақыт ішінде Қазақстан Республикасы азаматының паспорты мен жеке куәлігін тапсырмай ҚР азаматтығы туралы заңнаманы бұзған.
ҚР ӘҚбтК-нің 496-бабы бойынша ресейліктер әкімшілік жауапкершілікке тартылды, сот шешімімен Қазақстан Республикасынан тыс жерлерге шығарылды.
ШҚО ПД Көші-қон қызметі Қазақстан Республикасының Конституциясына сәйкес елде қос азаматтыққа жол берілмейтінін еске салады және көші-қон заңнамасын сақтауды сұрайды.