19 қараша күні сағат шамамен 18.30 кезінде Глубокое ауданы Прапорщиково ауылындағы Өскемен-Шемонаиха — РФ шекарасы тас жолында 18 жасар қызды көлік қағып кетті, деп хабарлайды Алтайньюс тілшісі.

-        Облыс орталығынан келе жатқан Honda-CR-V көлігінің жүргізушісі жаяу жүргіншілер өткелінің жанында 2003 жылғы қызды қағып кеткен. Зардап шеккен бойжеткен бірден ауруханаға жатқызылды, - дейді ШҚО ПД баспасөз қызметі.

Қазіргі уақытта ҚР Қылмыстық кодексінің 345-бабының 2-бөлігі (абайсызда адам денсаулығына ауыр зиян келтіруге әкеп соққан ЖҚЕ бұзу) бойынша сотқа дейінгі тергеу басталды.

Ал 18 жасар қыздың отбасы әлеуметтік желілерде оқиға орнында болған куәгерлердің хабарласуын сұрайды.