ШҚО-да өнертапқыш оқушыларды қолдауға гранттар бөлінеді
Фото: Тілеубек Шаяхмет
Аймақ басшысы Даниал Ахметов 10-шы облыстық "New Generation" фестивалі аясында IT саласында өзін танытқан оқушыларға марапаттар табыстады.
Дарынды оқушылар түрлі салада пайдасы тиетін шынымен бірегей өнертабыстарды әзірлеп жасады, деп хабарлайды Altaynews тілшісі.
– Әрине, бүгінгі таңда жасөспірімдердің заманауи технологияларды тез үйреніп, өмірді жақсартуға және жайлы етуге тырысатыны таңғалдырады. Жас вундеркиндтер өнертабыстарының қатарында белгілі бір нысанды жарықтандыру үшін қанша энергия көзі қажет болатынын анықтауға мүмкіндік беретін күн батареяларының қуат сканері, адамның қалып датчигі, кедергілер туралы дыбыстық ескертуі бар нашар көретіндерге арналған көзілдірік бар. Бұл мектеп өнертапқыштары жасай алатын нәрселердің толық тізімі емес, әрине. Біз олардың әзірлемелерін қолдау үшін гранттар бөлеміз. Сондай-ақ балалардың осы салаға деген қызығушылығын арттыру үшін мектептерді ең заманауи жабдықтармен және IT-сыныптармен жабдықтауды жалғастырамыз, – деді облыс әкімі Даниал Ахметов.
Оқи отырыңыз
