Шығыс Қазақстанның тәжірибесін өзге аймақтар да қабылдауы керек
Фото: ҚР Премьер-Министрінің баспасөз қызметі
Өңірдің дәрігерлерді шетелде оқыту тәжірибесін еліміздің басқа облыстары да қабылдауы керек. Мұндай пікірді Шығыс Қазақстанға сапары кезінде ел Премьер-Министрінің орынбасары Алтай Көлгінов айтты.
Ол біздің облыс денсаулық сақтау саласындағы көптеген көрсеткіштер бойынша басқа өңірлерді басып озатынын атап өтті, деп хабарлайды Altaynews тілшісі.
– Шетелде медицина қызметкерлерінің біліктілігін арттырудың көпжылдық бағдарламасы қазірдің өзінде нәтиже беріп отыр. Шығыстан басталған бұл тәжірибені еліміздің басқа өңірлерінде де қолдану қажет, – деді Алтай Көлгінов.
Облыстың дамуына қатысты кеңес барысында ол ШҚО-да онкологиялық және кардиологиялық аурулардан болатын өлім-жітім азайғанын айтты.
Ал неоплазмаларды ерте анықтаудың көрсеткіш пайызы өскен. Сондай-ақ нәресте өлімінің саны да азайды. Ағымдағы жылдың бес айында аймақта ана өлімі де тіркелмеген.
3 639
0
0
Сонымен қатар оқыңыз