Өскемен
-13°
пасмурно ветер 2 м/с, ЮВ
468.98 493.74 7.59

Алтай ауданында Президент Жолдауы талқыланды

13.09.2022, 09:35 13 0 Ләззат Қанатқызы

Алтай ауданы әкімінің орынбасары Жанна Аскарова мен аудандық мәслихат хатшысы Лариса Гречушникова ақсақалдармен, аудан депутаттарымен кездесті, деп хабарлайды Алтайньюс тілшісі.

Кездесудің басты тақырыбы - Ел Президенті Қасым-Жомарт Тоқаев 1 қыркүйекте Қазақстан халқына Жолдауы болды. Баршамызға белгілі, ҚР Президентінің жыл сайынғы Жолдаулары дәстүрлі түрде елдің таяудағы перспективаға арналған саяси, экономикалық және әлеуметтік даму басымдықтарын айқындайды.
Жанна Аскарова Президенттің қазіргі экономикалық стратегияны жаңғырту бойынша бірқатар мықты бастамалар білдіргенін атап өтті.

Естеріңізге сала кетейік, Жолдауда мерзімінен бұрын президенттік сайлау өткізу, президенттік мерзімді ұлғайту және өкілеттігін бір мерзімге шектеу, қазақстандық қоғамның басты сұрауларының бірі тыңдалып, балалардың әлеуметтік жинақтаушы шоттарына түсетін есептеулерге баса назар аударылды.
- Президент Жолдауы өзекті экономикалық мәселелерді қозғады. Ол біздің Жаңа Қазақстанға көшкеніміздің бірден бір белгісі. Мәселен, денсаулық сақтау деңгейі көтеріледі, ауыл мектептерінің саны артады, жоғары білімнің қолжетімділігі мен сапасы артады, - деп баса айтты аудандық мәслихат хатшысы Лариса Гречушникова.
- Бұл бастамалардың барлығы, біздің ойымызша, әлеуметтік мемлекеттің талаптарына толық жауап береді. Біз ашық бәсекелестікпен және әрқайсысы үшін тең мүмкіндіктермен әділ Қазақстанды құруды жалғастырамыз, - деп қосты Жанна Аскарова.

Сондай-ақ ол ақсақалдардың күнделікті даналығы, олардың қолдауы мен кеңестері аудан өміріндегі өзекті мәселелерді шешуде өте маңызды екенін атап өтіп, ардагерлерге ауданның қоғамдық өміріне белсенді қатысқаны үшін алғыс айтты.

Біздің Instagram-ға жазылыңыз

Жаңалықтарды жылдамырақ көріңіз

Жазылу

Пікірлер (0)

Кликните на изображение чтобы обновить код, если он неразборчив