Өскемен қаласының әкімі Жақсылық Омар Щербаков көшесінің тұрғындарымен кездесіп қайтты.

Аталмыш көшедегі 8 үй жақында 22 жылдан кейін жылуға қосылған, деп хабарлайды Altaynews.kz тілшісі.

Щербаков көшесінде 2000 жылдары кірпіш зауыты тоқтап, 8 көпқабатты үй, 150-ге жуық пәтер жылусыз қалған. 22 жыл бойы тұрғындар пәтерлерін теплофонмен, буржуйка қойып жылытып келіпті.

Жылуға қосылу мәселесін тұрғындар әкімнің есеп беру кездесулерінде, әлеуметтік желілерде бірнеше рет көтерген.

2019 жылы қалалық әкімдіктің тапсырмасымен  мұнда жылу қазандығының құрылысы басталған.  Ағымдағы жылы қараша айында көптен күткен тұрғындар жылуға қосылды. Қазір әр тұрғынның пәтеріне дейін жылу тартылған.

Тұрғындар қала әкімімен қоса, мердігер компанияға да алғыстарын білдіреді.