Бүгін Өскемен қаласының әкімі Жақсылық Омар жауапты бөлім басшыларымен және полиция қызметкерлерімен бірлесіп шағын аудандардағы қар тазалау жұмыстарын тексерді.

Сонымен қатар, ауласы мен автотұрағы қардан тазартылмаған бизнес нысанының иелеріне ескерту жасалды, деп хабарлайды Altaynews тілшісі.

Естеріңізге сала кетейік, 13 -14 желтоқсан күндері облыс орталығында толассыз жауған қардың қалыңдығы 50 сантиметрден асқанын хабарлаған болатынбыз.

Қар жауған күннен бастап қала көшелерінде коммуналдық қызметкерлер демалыссыз жұмыс істей бастады. Қаладағы көлік көп жүретін, негізгі жолдарды тазалау жұмыстары аяқталған. Десе де, онымен жұмыс тоқтап қалмайды.

Айта кету керек, бизнес нысанының иелерімен қоса мемлекеттік мекемелер де сондай жұмыстармен айналысатын болады.

Бұған дейін қаладағы қардан тазартуға жататын автожолдар мен көшелердің жалпы ұзындығы - 773, 6 километрді құрайтынын жазған болатынбыз.