Өскеменде көркем фильмнің түсірілімі басталды. Бұл картинаның сюжеті атақты "Дос Мұқасан" шығармашылық ансамблінің тарихына арналған, деп хабарлайды Altaynews тілшісі.

Бұл туралы қала әкімі Жақсылық Омар әлеуметтік желідегі парақшасында жазды.

- Еліміздің мәдениеті мен тарихы туралы маңызды кинематографиялық туындының біздің шаһарда түсірілетініне өте қуаныштымын. Жоба мен оның авторларына шын жүректен табыс тілеймін, - дейді шаһар басшысы.

Фильмнің авторларын біздің қаламыздағы кеңес заманының сәулет үлгілерін түсіру мүмкіндігі қызықтырған екен. Ең бірінші кезекте – бұл Металлург сарайы мен оның маңындағы ғимараттар.

Картинаның режиссері, Өскеменнің тумасы – Айдын Сахаман.