Өскемен қаласында саяси қуғын-сүргін құрбандарын еске алу күніне орай Алаш қайраткері Шәкәрім Құдайбердіұлының бюсті ашылды, деп хабарлайды Altaynews тілшісі.

Бұл - Өскеменде Алаш қайраткерлеріне қойылған алғашқы мүсін. Бюст қаладағы Шәкәрім атындағы №1 мектептің алдына орнатылды.

Ашылу салтанатына зиялы қауыммен қатар қала басшылығы да қатысты.

Шәкәрімге мүсін қою аталған мектептің директоры Әділ Сайлаубекұлының бастамасы болғанын айта кеткен жөн. Ұсынысты қамқоршылық кеңес қолдап, демеушілердің көмегімен ұлы тұлғаның бюсті соғылып отыр.

Ескерткіштің авторы – облыстағы белгілі суретші-мүсінші Еркебұлан Жәкішов.