Өскеменде жылу беру маусымы 25 қыркүйектен басталды, деп хабарлайды Altaynews тілшісі.

«Өскемен жылу жүйелері» АҚ ақпараты бойынша, жылу өткен жылдағыдай кезең-кезеңмен, нысандардың техникалық дайындығына қарай беріледі. Жаңа Ахмердегі № 3, 4, 6, 7, 9, 105 қазандықтар нысандардың дайын болуына байланысты қосыла бастайды.

Қаладағы жылу энергиясын есептейтін құрылғысы мен техникалық дайындық паспорты бар кейбір көпқабатты үйлерге 1 қыркүйектен бастап жылу берілуде.

Үйлеріңіздің жылу маусымына дайындығы жайлы ақпаратты ұялы қосымшадағы жеке кабинетте немесе кәсіпорынның ukteplo.kz ресми сайтынан көруге болады.