ХҚКО-ға кезекті брондау процесін оңтайландырды, деп хабарлайды Altaynews тілшісі.

Бұл туралы «Азаматтарға арналған үкімет» МК ШҚО бойынша филиалының баспасөз қызметі мәлімдейді.

Автокөлікті қайта тіркеу үшін арнайы ХҚКО-ға кезекті брондау кезінде сатушының, көлік иесінің ЖСН-ін (егер автокөлік сенімхат бойынша сатылса) және сатып алушының ЖСН-ін көрсету қажет, барлық үш ЖСН бір қызметті алу үшін жүйеде тіркеледі екен.

Белгіленген уақытта арнайы ХҚКО-ға келген кезде талон кезекке қойған басқа адамдардың деректеріне өзгерістер енгізу мүмкіндігінсіз ЖСН-нің біреуіне ғана беріледі. Яғни, мамандандырылған ХҚКО-ға кезекке автокөлік құралының мемлекеттік тіркеу нөмірлік белгісі көрсетілген жағдайда ғана тапсырыс беруге болады.

Осылайша, ХҚКО қызметкері сенім білдірілген тұлға туралы мәліметтерді арнайы ХҚКО-ға келген кезде кезекке қойған тұлғалар туралы деректерге өзгерістер енгізу қажеттілігінсіз алдын ала алады. ХҚКО-да (арнайы ХҚКО емес) кезекті брондау бұрынғы форматта қалады.

Telegram (EgovKzBot2.0), Вконтакте (Портал eGov.kz) және Facebook (Портал Egov.kz)чат-боттары арқылы кезекті брондау үшін, басты мәзірде "ХҚКО-да кезекті брондау" батырмасын басып, одан кейін нұсқалардың бірін таңдау керек: кезекке тапсырыс беру немесе қайта брондау.

Сәтті брондау кезінде мессенджерге немесе чат-ботқа хабарлама түседі, егер мобильді азаматтар базасында тіркелген болса, пайдаланушыға СМС-хабарлама келеді. Кезекті алдын ала брондауға тәулігіне бір рет рұқсат етіледі. Егер белсенді бронь болса, жаңадан брондау мүмкін емес, оны қайта брондау керек.