Өскемен-Қалбатау тасжолы кеңейтіледі, деп хабарлайды Алтайньюс тілшісі.

Облыс орталығындағы Жібек жолы көшесінен қала аумағы аяқталатын тұсқа дейін төрт жолақты асфальт төселеді. Қала әкімінің айтуынша, жол жұмыстарының негізгі бөлігі 2023 жылы жүзе асады.

– Мұнда заманауи төрт жолақты магистраль салынады. Аталмыш трассаның Өскеменге кіреберісі екі жолақты әрі сапасы төмен. Осыны ескере отырып, қала шекарасынан Жібек Жолы көшесіне дейінгі учаскені қайта жаңартуды қолға алдық. Мұнда төрт жолақты жол салынады, – деді Жақсылық Омар.

Жобаға сәйкес жолдың бойына тротуар салынады және жарық орнатылады.