«AMANAT» партиясының кезектен тыс XXIV Съезіне қатысып қайтқан делегаттар облыс орталығындағы төртінші аурухананың ұжымымен кездесті, деп хабарлайды Алтайньюс тілшісі.

– Партия мен мемлекет үшін маңызды әрі тарихи күннің куәсі болдым. Өздеріңізге белгілі қазақстандықтардың өмір сүру сапасын жақсарту мәселесі Мемлекет басшысының әр Жолдауында айтылып, жүйелі жұмыстар арқасында іске асырылуда. Партия съезінде маңызды мәселелер көтеріліп, бірқатар шешімдер қабылданды. Осы орайда әлемдегі аумалы-төкпелі заманда Мемлекет басшысының реформалары жанында ұлт болып ұйысу керекпіз. Менің байқағаным біз бір жұдырық болып жұмылсақ кез-келген белесті аламыз, – деді саяси жиынның делегаты Попов.С.А

Жиын соңында дәрігерлер Қасым-Жомарт Тоқаевтың Президенттікке ұсынылуын толық қолдайтындарын айтып, оң көзқарастарын білдірді.