Өскемен
-24°
туман ветер 1 м/с, СЗ
472.17 495.5 7.57

Қазақстанның басым бөлігінде 41 градус аптап ыстық болады деп күтіледі

15.07.2022, 11:52 6 0 Мадина Амангелдіқызы
Синоптиктер Қазақстан бойынша аптап ыстық болатынын болжайды. Осыған байланысты бірқатар аймақтарда дауылды ескерту жарияланды, деп хабарлайды Zakon.kz.

"Қазгидромет" РМК деректеріне сәйкес, күндіз 15-16 шілдеде Ұлытау облысының оңтүстігінде 35-37 градус қатты ыстық болады деп күтіледі.

Сонымен қатар, күндіз Қарағанды облысының оңтүстігінде 35 градус ыстық болады деп күтіледі.

Жетісу облысында солтүстік-шығыстан жел соғады, күндіз солтүстік-шығыстан соққан желдің екпіні 15-20 м/с, кей тұста 25 м/с жетеді.

Сондай-ақ, 15 шілдеде Батыс Қазақстан облысының батысында, солтүстігінде найзағай ойнап, бұршақ түседі, дауыл тұрады деп күтіледі. Оңтүстік-батыстан жел соғады, облыстың шығысында соққан желдің екпіні 15-20 м/с жетеді. Облыстың оңтүстігінде төтенше өрт қаупі сақталады.

Оралда түнде найзағай ойнауы мүмкін.

Қызылорда облысында күндіз 40 градус аптап ыстық болады деп болжанады. Облыстың басым бөлігінде және Қызылордада төтенше өрт қаупі сақталады.

Атырау облысының шығысында 35-38 градус қатты ыстық сақталады, облыстың оңтүстігінде 41 градус аптап ыстық болады. Облыстың батысында төтенше өрт қаупі сақталады.

Ақтөбе облысының солтүстігінде найзағай ойнайды деп күтіледі. Сонымен қатар, күндіз облыстың басым бөлігінде және Ақтөбеде 35-37 градус, оңтүстікте, облыс орталығында 40 градус аптап ыстық болады деп күтіледі.

Біздің Instagram-ға жазылыңыз

Жаңалықтарды жылдамырақ көріңіз

Жазылу

Пікірлер (0)

Кликните на изображение чтобы обновить код, если он неразборчив