Шығыс Қазақстан облысында Ертіс өзеніне бір адам батып кетті, деп хабарлайды Алтайньюс тілшісі.

- Семей қаласының 1951 жылғы тұрғыны 7 маусым күні Озерки ауылынан үш шақырым жерде балық аулап жүріп суға батып кеткен. Ол балыққа шыққанда, құтқаруға арналған құрал-жабдықтарды алмаған, – деп мәлімдеді Төтенше жағдайлар комитеті.

Дәл осы күні Бұқтырмада үш адам суға батып кете жаздады. Балықшылардың үрлемелі қайығы жағадан екі шақырым жерде бата бастаған. Абырой болғанда, құтқарушылар дер кезінде келіп, көмек қолын созды. Балықшылар медициналық көмекке жүгінген жоқ.