Білім беру органдарының өкілдері "№8 арнайы мектеп-интернат" КММ ұжымының оқу орны директоры міндетін атқарушының әрекеттеріне шағымы бойынша тексеру нәтижелері туралы хабарлады.
ШҚО білім басқармасының деректеріне сәйкес, интернаттағы балалардың құқықтары бұзылмағаны анықталды. Ал БАҚ-тағы жарияланымдар еңбек ұжымындағы жанжалдың салдары болды.

-        Шағымды қарау үшін білім басқармасы басшысының м.а. 2022 жылғы 21 қыркүйектегі № 447 бұйрығы негізінде білім және ғылым қызметкерлері кәсіподағының Білім басқармасы мен Өскемен қалалық ұйымдарының өкілдері атынан жұмыс тобы құрылды. Аталған фактілердің бір бөлігі 2022 жылғы 13 қыркүйектегі өтініште расталды, - деді ШҚО білім басқармасының қорғаншылық, қамқоршылық және арнайы білім беру бөлімі басшысының міндетін атқарушы Гүлжаз Бошақова.

Қарау қорытындысы бойынша мекеме директорының м.а. тәртіптік жауапкершілікке тарту туралы шешім қабылданды. Алайда, 28 қыркүйектен бастап ол денсаулығына байланысты уақытша жұмыста жоқ. Осыған байланысты жұмысқа шыққаннан кейін жауапкершілікке тартылады.

-        Өтініш берушілерге қолданыстағы заңнамаға сәйкес өтініште көрсетілген мекенжай бойынша жауап берілді. Бұл мәселе ШҚО білім басқармасының бақылауында, - деді спикер.