Өскемен көшелеріндегі қарды күреу үшін қосымша қаражат бөлінеді, деп хабарлайды Алтайньюс тілшісі.

Бұл туралы облыс әкімі Даниал Ахметов Instagram парақшасында жазды.

– Биыл қар екі есе көп түсті. Сол себепті қала әкіміне қарқынды түрде жұмыс істеуді тапсырдым. Қажет болса, қосымша қаражат бөлеміз, – деп жазды аймақ басшысы.  

Жалпы қала әкімдігінің мәлімдеуінше, күн сайын 60 техника мен 100 жұмысшы қар күреуге жұмылдырылады. Ал қар толассыз жауған кездерде, жүзден астам техника аусыммен жұмыс істейді екен.