Маймыл шешегі: Денсаулық сақтау министрлігі мәлімдеме жасады
ДСМ баспасөз қызметінің мәлімдеуінше, маймыл шешегі (monkeypoxes, MPXV) – сирек кездесетін жұқпалы ауру.
Оған тән белгілер: қызба, жалпы интоксикация, бөртпе, везикулалар, папула және т. б.
Сондай-ақ маймыл шешегі вирусының ДНҚ вирусы 1980 жылы бүкіл әлемде жойылған шешекке жақын.
Таралу аймағы: Батыс Африка елдері (Конго Демократиялық Республикасы, Конго Республикасы, Камерун, Орталық Африка Республикасы, Нигерия, Кот-д ' Ивуар, Либерия, Сьерра-Леоне, Габон және Оңтүстік Судан).
Африкадағы сырқаттану саны қарқынды өсіп жатыр, 2016 жылдан бастап ДДҰ-ның ресми деректері бойынша, 20 есе өскен.
ДДҰ-ның алдын ала деректері бойынша, 2022 жылғы 30 маусымдағы жағдай бойынша, әлемнің 66 елінде 5135 жағдай тіркелген (Ұлыбритания – 1076, Испания – 801, Германия – 874, Франция – 441, Португалия – 391, Канада – 283, Нидерланды – 257, АҚШ – 351, Италия – 160, Бельгия-117, Швейцария – 81 және т. б.), - деп мәлімдейді ҚР Денсаулық сақтау министрлігінің баспасөз қызметі.
Қазақстанда бүгінде маймылдардың шешек ауруына күдікті бірде-бір жағдай тіркелген жоқ.
Демалыс уақыты болғандықтан, Денсаулық сақтау министрлігі шетелге шығатын қазақстандықтарды бірнеше қарапайым, бірақ маңызды ұсыныстарды ұстануға шақырды:
-
маймыл шешегі өршіп тұрған Батыс Африка елдеріне (әсіресе жүкті әйелдер, балалар) барудан бас тарту;
-
сырқат белгілері бар кез келген адаммен жыныстық қатынастан аулақ болу (болдырмау);
-
шет елде жүрген кезде қолды үнемі жуып, маска тағу;
-
көшеден тамақтанбаңыз. Тек термиялық өңделген тағамдарды жеңіз;
-
адам көп жиналатын орындарға барған кезде маска тағып, әлеуметтік қашықтықты сақтаңыз;
-
егер үйге оралғаннан кейін үш апта ішінде өзіңізді нашар сезінсеңіз: дене қызуы, лимфа түйіндерінің ісінуі, бөртпе болса, дереу жақын жердегі медициналық ұйымға хабарласыңыз, шетелде болғаныңыз туралы міндетті түрде хабарлаңыз.