Шығыс Қазақстанда облысында анасы мен жеті жастағы баласын көлік қағып кетті. Бүлдіршін ауруханаға жатқызылды, деп хабарлайды Алтайньюс тілшісі.

 Оқиға Риддер қаласында болған. Полиция департаментінің мәлімдеуінше, Chevrolet Aveo автокөлігін тізгіндеген 58 жастағы жүргізуші Вокзальная көшесімен келе жатып, реттелмейтін жаяу жүргіншілер жолында ана мен баланы қағып кеткен.

 – Бүлдіршін ауруханаға жатқызылды. Ал анасын дәрігерлер қарады, денсаулығына төніп тұрған қауіп жоқ, – деп мәлімдеді Департаменттің баспасөз қызметі.

 Жол-көлік оқиғасына қатысты сотқа дейінгі тергеу басталды.