Өскеменде қаңғыбас иттерді ұстау үшін 11 миллион теңге бөлінді, деп хабарлайды Алтайньюс тілшісі. Бұл туралы қалалық әкімдіктің отырысында айтылды.

Қалалық ветеринария бөлімінің жетекшісі Серікхан Күдебаевтың айтуынша қазірдің өзінде қалада 1682 ит пен 115 мысық атылыпты. Оларды аулауға 9 миллион теңге қарастырылған, ал қалған 2 миллион теңгесі зарарсыздандыру жұмыстарына бөлініпті.

Бастаманы шаһар басшысы Жақсылық Омар да құптады.

– Қаңғыбас иттер кішкене балалар үшін ғана емес егде жастағы адамдар үшін де қауіпті. Өйткені олар адамға түрлі ауру жұқтыруы мүмкін. Сондықтан қоғамға қауіпті бұралқы ит пен мысықтардан дер кезінде құтылған дұрыс. Егер қаражат жетпей жатса, қосымша тағы бөлеміз, – деді қала әкімі.