Қазгидромет синоптиктерінің болжамы бойынша, 11 маусымда найзағай ойнап, бұршақ жауып, жел күшейеді, ал оңтүстікте шаңды дауыл соғады.

Тек еліміздің батысында, оңтүстігінде, шығысында антициклон ықпалымен ауа райы жауын-шашынсыз болады.

Күндіз Қостанай облысының солтүстік-батысында бұршақ жауып, жел 15-20 м/с дейін күшейеді.

Солтүстік Қазақстан облысының солтүстігінде, солтүстік-шығысында, батысында бұршақ жауады, желдің жылдамдығы 15-20 м/с дейін жетеді.

Түнде батыста, күндіз Ақмола облысының шығысында бұршақ жаууы мүмкін, күндіз солтүстікте, батыста, шығыста жел 15-20 м/с дейін күшейеді.

Түнде Маңғыстау облысының оңтүстік-шығысында, күндіз солтүстігінде және оңтүстік-шығысында жылдамдығы 15-20 м/с болатын шаңды дауыл күтіледі.

Күндіз Жамбыл облысының таулы аудандарында бұршақ жаууы ықтимал, солтүстік-шығысында жел 15-20 м/с күшейеді.

Таңертең және күндіз Түркістан облысының таулы және тау бөктеріндегі аудандарында шаңды дауыл соғады.

Нұр — Сұлтан қаласында көшпелі бұлт шығады, күндіз 23-25 градус, түнде 13-15 градус.

Алматыда жаңбыр жауады, күндіз 30-32 градус, түнде 18-20 градус.

Шымкентте күн күркіреп, жаңбыр жауады, күндіз — 31-33 градус, түнде — 18-20 градус.