2019 жылдың басынан бері облыс аумағында 3693 адамды кене шақты, деп хабарлайды Алтайньюс тілшісі.

Сондай-ақ, кене энцефалитін жұқтыру бойынша 7 факті, кене боррелиозы бойынша – 14 факті тіркеліп отыр.

Тауарлар мен көрсетілетін қызметтердің сапасы мен қауіпсіздігін бақылау департаментінің мәліметінше, өткен жылы кене шаққан адамдардың саны 3991 болған.

Кене энцефалитін жұқтыру бойынша фактілер Катонқарағай, Көкпекті, Алтай аудандары мен Өскемен қаласында тіркеліпті. Сондай-ақ, облыс көлемінде кене боррелиозын жұқтырған 14 адам болды. Бұл науқастардың ешқайсы кене шақты деген шағыммен дәрігерге қаралмаған екен.