Облыстық тарихи-өлкетану музейінде 31 мамыр – саяси қуғын-сүргін құрбандарын еске алу күніне арналған «Ұмытылмас олар ешқашан» атты еске алу іс-шарасы өтті

Іс-шараның мақсаты: Тарихи зердені мәңгілік сақтау, бүгінгі ұрпақ бойында өз ара төзімділікті елжандылық қасиеттерді қалыптастыру.

Осы айтулы күні жазықсыз жапа шегіп, еш кінәсі болмаса да жала жабылып, орынсыз айыпталып сотталған жандарды еске алу, олардың тауқыметті тағдыры туралы нақты мәліметтерді тірілтіп бүгінгі қоғам азаматтарына көрнекті турде ұсыну біздің тарих алдындағы тағлымдық парызымыз. Саяси қуғын-сүргін барысында тек қана жеке адамдар, жәбір-жапа шегіп қана қоймай бүкіл отбасы мүшелері түгел , тіпті бүтіндай халықтар құғын-сүргінге ұшырап зұлматтарды бастап өткергені - тарихи ақиқат. Бүтіндей ұрпақ толқынына көрсетілген зәбірдің кесірінен түскен жан жарасы әлі күнге дейін жазылған жоқ. Бүгіндері тарих қойнауына сүңгіп бара жатқан оқиғалардың тарихта ақтаңдаң болып қалуына жол бермей, қоғам мүшелерінің зердесін жаңғыртып отыру - бізідің азаматтың борышымыз.

Іс-шараға қала тұрғындары, қуғын-сүргінге ұшырағандар мен күштеп жер аударылғандардың ұрпақтары шақырылды. Құрметті қонақтар қатарында жиынға облыс әкімінің орынбасары Әсем Нүсіпова қатысты.

Шығыс Қазақстан «Видергебурт» қоғамдың бірлестігі мәдени орталығынан Роот Лидия Генриховна және Миллер Галина Робертовна, поляк мәдени орталығынан Фрышко Валентина Васильевна, сондай-ақ қуғын-сүргін құрбаны Жұрдыбаев Нұрғазының қызы Мукашева Нурзия қатысып өткен ғасырдың зұлматы туралы естеліктерімен бөлісті. Және саяси қуғын-сүргін құрбаны Сарынов Темірханның қызы Бажекенова Әсипа қатысты.

С.Аманжолов атындағы ШҚМУ оқытушысы, «Қызыл қырғынның құрбаны» - кітабының авторы Қасымов Айтмұханбет қатысып Ж.Жабаев атындағы Облыстық драма театрының актерлері: Амангелдинов Жарқын, Өткір Нұрсеит, Саматов Қанаттың орындауда «Ұрпаққа хат» атта НКВД жендетерінің жауап алу қысқаша көрінісі ұйымдастырылды. Авторы Мұрат Қолғанат, режиссері Қалибекұлы Дарын.

Жазықсыз жапа жандарды еске алуға арналған іс-шараға қала тұрғындары мен жоғарғы оқу орындарының, колледждердің студенттері қатысты.

« Қасіретті жылдар жаңғырығы» - атты қалалық іс-шаралар жеңберінің аясында Республиқалық алаңда 30 мамыр күндері. «Уақыттан қуатты зерде»тақырыбында көрме ұйымдастырылып көрсетілді.

Сталиндік қуғын-сүргін қоғамның барлық әлеуметтік саласын қамтып, елдің түкпір-түкпірінде жоспарлы жүргізілді: партия, совет органдарының жетекшілері, социалистік өндірістіқ жетекшілерінің барлығы қанды саяси қасаптың назарынан тыс қалмады. Көрмеде С.М. Свердловтың, К. Бектасовтың, Р.А. Дрейманның, А.И. Кельмансонның,Ж. Тәттібаевтардың фотосуреттері, құжаттары қойылды.

Сондай-ақ Алаш партиясының мүшелері – Ә.Бөкейхановтың, А.Байтұрсыновтың, А.Ақпаев, М.Тынышбаев және тағы басқалары туралы көрме құжаттары мазмұнды баяндайды. Қоғамның мәдениеті мен білім беру саласын өркендетуге үлес қосқан, тікелей айналысқан Ш. Құдайбердиев, П. Васильев, М. Тайшыбаев тәрізді танымал тұлғалардың фотосуреттері, құжаттары экспозиция материалдарының қатарынан орын алған.

Жаптай қуғын-сүргін режімі кезінде тұтастай халықтар қуғын-сүргін зардабына ұшырады. Корейлер, немістер мен Солтүстік Кавказ халықтары туралы көне фотосуреттер, құжаттар сияқты нақты тарихи айғақтар жарыққа шығарылып, қалалықтердың зердесінің жаңғыруына нақты үлес қосты.