Келесі аптада Өскеменде жол жөндеу жұмыстары басталады. Бұл туралы қала әкімі Жақсылық Омар әлеуметтік желідегі жеке парақшасында жазды, деп хабарлайды Алтайньюс тілшісі.

Оның жазуынша, төмендегі көшелер жөнделеді:

Сәтпаев даңғылы (реконструкция);

Әуезов даңғылы;

Жеңіс даңғылы;

Потанин көшесі;

Шәкәрім көшесі;

Серікбаев көшесі;

Жібек жолы көшесі (реконструкция);

Тоғас көшесі (Ахмерден «Понтон» көпіріне дейін) (реконструкция);

Ахмерден Алматы тас жолына дейін (реконструкция);

Малдыбаев көшесі.

Шаһар басшысының сөзінше, көшелерді негізінен қазан айына дейін дайындау жоспарланған. Ал реконструкция жасалатын көшелер (жоғарыдағы 4 көше) жыл аяғында бірақ аяқталады.

– Жол жөндеу жұмыстары келесі аптада басталады. Қолайсыздыққа алдын ала кешірім сұрап, түсіністікпен қарауларыңызды сұраймын, – деді Жақсылық Омар.