Қазақстанның үш облысындағы өзендерде су деңгейі көтерілуі мүмкін. Бұл туралы Қазгидромет синоптиктері ескертіп отыр, деп хабарлайды Алтайньюс тілшісі.

"18-20 наурыз аралығында Шығыс Қазақстан, Ақтөбе және Қостанай облыстарында қар еріп, мұз қабаты сөгіліп, өзендерде су деңгейі көтерілуі мүмкін", - деп ескертеді синоптиктер.

18 наурыз күні еліміздің аумағында ауа райы құбылмалы болмақ. Кей жерлерде қатты жел соғады, тұман түсіп, жауын-шашын және көктайғақ болады деп болжануда.

Шығыс Қазақстан аймағында тұман түсуі, күші 15-20 м/с дейін жететін жел тұруы ықтимал.