Өскемен
-21°
плотный туман Штиль
468.9 485.64 7.7

Мүгедек адам ШҚО аумағында 12 жыл құлдықта болған

4.11.2022, 12:02 147 0 Оразай Жеңісұлы

Шығыс Қазақстан облысының аумағында 12 жыл бойы құлдықта жүрген мүгедек адамды тәртіп сақшылары құтқарды.

Адам еңбегін қанау дерегін Абай облысының полицейлері жедел-профилактикалық іс-шара барысында анықтаған, деп хабарлайды Altaynews тілшісі.

Жарма ауданы Шар қаласы ПБ полиция қызметкеріне аумағындағы шаруа қожалықтарының бірінің басшысы қоңырау шалып, жаңа жұмысшы жалдағанын хабарлаған. Шаруа қожалығына келген полиция қызметкері жұмысқа жаңадан кіріскен жалдамалы ер адамның құжаттары жоқтығын анықтаған, сондай-ақ ол полицейге өзінің сауалнамалық деректерін де айта алмаған.

Бір шикіліктің барын сезген тәртіп сақшысы иесі жәбірленушінің қасынан кеткен кезде оның тегін біліп алған. Одан әрі полиция қызметкері жәбірленушінің әпкесін анықтайды. Ол бауырымен 2010 жылдан бері байланыс үзілгенін айтады. Ер адам Жарма ауданындағы шаруа қожалықтарының бірінен табылды. Ол онда жұмыс істеген. Тергеу барысында 2010 жылдың қарашасынан бастап 26 жастағы ер адамның 11 шаруа қожалығында құлдықта болғаны анықталды. Бұған дейін бірнеше рет сотталған Семейдің 54 жастағы тұрғыны Тарбағатай ауданының 26 жастағы тұрғынымен Тұғыл ауылына балық аулауға барғанда танысқаны мәлім болды.

«Ол жігіттің психикалық ауытқуын байқаған соң шаруашылықта жұмыс күші ретінде пайдалану туралы ойға келген. Жәбірленушіні 12 жылдан аса уақыт бойы Семей қаласы, Абай, Ұлан және Жарма аудандарындағы шаруа қожалықтарында жұмыс істеу үшін сатқан. 54 жастағы азамат шаруа қожалық иелеріне өзін жігіттің туысымын деп таныстырған. Олардан алдын ала жалақысын алып, қалтасына басып отырған. Жәбірленушінің жылдар бойы еңбегіне берілген ақы 2 миллион теңге болған», - делінген полиция хабарламасында.

Сонымен қатар, қаскөй мүгедектің ай сайынғы зейнетақы жинақтары мен әлеуметтік төлемдерін жымқырып отырған. Залалдың жалпы сомасы 4 миллион теңгеден асады.

«Қазіргі уақытта жәбірленуші туыстарына табысталды, ал күдікті Жарма ауданының аудандық сотымен 128-бабының 2-бөлігі 2, 8, 11, 12-бөлектері ("Адам саудасы") және Қазақстан Республикасы Қылмыстық кодексінің 190-бабы 1-тармағының 3-бөлігі ("Алаяқтық") бойынша кінәлі деп танылды. Сот үкімімен қауіпсіздігі орташада колонияда 4 жыл 6 айға бас бостандығынан айыру жазасы тағайындалды», - деді Абай облысы ПД бастығының орынбасары Нариман Күлдіков.

Біздің Instagram-ға жазылыңыз

Жаңалықтарды жылдамырақ көріңіз

Жазылу

Пікірлер (0)

Кликните на изображение чтобы обновить код, если он неразборчив