KZ
Өскемен
+9°
переменная облачность жел 7 м/с, Ю
448.15 483.46 4.86

ШҚО-дағы атышулы шошқа фермасы жабылады

22.11.2022, 17:22 429 Оразай Жеңісұлы

Облыстық экология департаменті Степной кентіндегі «Родничок» ШҚ шошқа фермасы жабылатыны туралы мәлімдеді.

Естеріңізде болса, Өскемен қаласының және Глубокое ауданының тұрғындары шаруашылықтың қызметіне бірнеше мәрте шағымданған, деп хабарлайды Altaynews тілшісі.

«Кәсіпорын басшылығы ферманың қоршаған ортаға әсерін бағалау жөніндегі нұсқамаларды орындамаған және жергілікті тұрғындардың шағымын ескермеген. Оның залалы халықтың денсаулығының нашарлауына алып келді», - деп мәлімдеді департамент.

Экологтардың айтуынша, өткен көктемде тұрғындардың өтініші бойынша «Родничок» ШҚ-ға қатысты ҚР экологиялық заңнамасының нормаларын сақтау тұрғысынан жоспардан тыс тексеру жүргізілген. Соның нәтижесі мынау:Біріншіден, кәсіпорын қызметкерлері қалдықты ашық алаңға лақтыра берген. Топырақ жамылғысы соның кесірінен ластанған. Екіншіден, дөңес жерде орналасқан фермада нөсер кәрізі жоқ. Жауын-шашыннан кейін ластанған лай-батпақ еңістегі елді мекендерге ағып барады. Сондай-ақ кәсіпорын ассенизаторлық машинамен төккен шошқа шламы жер үсті және жер асты суларын ластаған.Экология департаментінің ақпаратына сүйенсек, шошқа фермасына 500 мың теңгеден астам айыппұл салынды.Өскемен бойынша мамандандырылған әкімшілік соттың шаруа қожалығының қызметін тоқтату туралы шешімі әлі күшіне енген жоқ. Шошқа фермасының басшылығы апелляциялық шағым бере алады. Алайда экологтар сот шешімі өзгеріссіз қалатынына сенімді.

«Сот тұрғындар шағымын ескерді және департаменттің дәлелдерін қолдады. Шешімі күшіне енгенде, кәсіпорынның қызметі бірден тоқтатылады», - дейді мамандар.


Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив