– Қалада бірнеше күре жол бар. Бұған Үлбі ауданындағы Назарбаев, Абай, Шәкәрім даңғылдары, Октябрьский ауданындағы Әуезов даңғылы мен Қазақстан көшесі, сондай-ақ Сатпаев даңғылы кіреді. Бұл жолдарда қызметкерлер ең жаңа әрі жұмыс өнімділігі жоғары техиникалармен жұмыс істейді. Өйткені негізгі көлік магистралінде қозғалыс іркілсе, бүкіл қала тіршілігі тоқтап қалады деуге болады.
Алайда бұл шеткі аудандар назардан тыс қалады дегенді білдірмесе керек. Тазалық жұмыстары барлық ауданда бір мезгілде басталады. Қала орталығындағы көшелер көлік қозғалысына қаншалықты қолайлы болса, Согра, Аблакет, Сол жағалау аудандарында да сондай тазалық, жайлылық болады. Орталықтағы жаңа техникалар тиісті жұмысты аяқтаған соң, шеткі аудандағыларға көмекке «келеді». Жалпы кәсіпорында 98 қысқы техника бар, – деді Асхат Тәженов.