«AMANAT» партиясының Шығыс Қазақстан облысындағы филиалына төраға сайланды.

Бұл туралы облыстық филиалдың  кезектен тыс XXIX-ші  конференциясында айтылды, деп хабарлайды Altaynews тілшісі.

Жалпы конференцияға Партия Хатшысы Ринат Кертаев, саяси кеңес мүшелері мен ардагерлер, барлық деңгейдегі мәслихат депутаттары, қоғамдық кеңес мүшелері, бастауыш партия ұйымдарының өкілдері мен «Жастар рухы» қатысты.

Жиында жыл көлемінде атқарылған жұмыстар бойынша есеп берілді. Сондай-ақ депутаттық фракцияның жұмысы сараланып, бірқатар нақты міндеттер қойылды.

Конференция соңында делегаттардың ашық дауыс берумен Сайрангул Жумадилова «AMANAT» партиясы Шығыс Қазақстан облыстық филиалының төрағасы болып сайланды.