Республикалық электрондық денсаулық сақтау орталығының деректері бойынша, ШҚО-да ағымдағы жылдың эпидемиологиялық маусымында өңірде жіті респираторлық вирустық инфекцияның 85 мың 219 жағдайы тіркелді.

Бұл туралы Өңірлік коммуникациялар қызметінің брифингінде санитарлық-эпидемиологиялық бақылау департаменті басшысының орынбасары Сәуле Слямғазина айтып берді, деп хабарлайды Altaynews тілшісі.

2022 жылдың 1 қазанынан бастап облыста ЖРВИ ауыр ағымы бар 1670 пациенттің сынамалары тексерілген. 67 науқаста В тұмауы вирусының түрі, ал 73 сынамада риновирус, аденовирус, парагрипп және т. б. сияқты тұмау емес вирустар анықталып отыр.

"Тұмаудың эпидемиологиялық жағдайын тұрақтандыру және сырқаттанушылықты азайту мақсатында жыл сайын жергілікті бюджеттен тұмауға қарсы вакциналар сатып алынады. Биыл қоймаға 75 мың доза вакцина жеткізілді, 82 мыңнан астам адам иммундаудан өтті. Бұл контингенттің, облыс халқының 11,4% -. құрайды. Бүгінгі таңда Шығыс Қазақстан облысында "Цербер" коронавирусының штаммы анықталған жоқ",- деп толықтырды спикер.