«2027 жылға қарай желі мүлде жоқ 117 ауылды сапалы интернет пен ұялы байланыспен қамту жоспарда бар. Бұл жұмыс биыл басталып кетеді және екі кезеңмен жүзеге асады. Бірінші кезеңде 100-ден астам халқы бар ауылдарға, екіншісінде тұрғыны саны 100-ден аз ауылдарға интернет тартылады. 2023 жылы 1,3 млрд теңгеге 19 антенналық-мачталық құрылыс салу көзделуде», - дейді облыс әкімінің бірінші орынбасары Алмасхан Сматлаев.