Шығыс Қазақстан облысында былтыр жүзден астам көлік өртенген, деп хабарлайды Altaynews тілшісі.

Төтенше қызмет өкілдерінің айтуынша көліктерде көбіне электр сымдарының ақауынан өрт тұтанады. Сондай-ақ доңғалақ дискілеріндегі немесе автомобиль корпусындағы түрлі жарықтандыру құралдары да оқыс оқиғаға себеп болып жатады.

 Өрттің тағы себебі – адам факторы, дейді құтқарушылар.

«Адамдар өрт қауіпсіздігіне немқұрайлы қарайды. Машинаны қыздыру үшін түрлі құрал-жабдықтарды пайдаланады. Осының бәрі төтенше жағдай туындатады», - деп мәлімдеді ШҚО ТЖД-ның баспасөз қызметі.

Жыл бастала сала өңірде үш көлік өрті тіркелді.