Блогерлер Риддердегі «Шаңырақ» мектебінің жағдайымен танысып қайтты
Өткен аптада әлеуметтік желіде Риддер қаласындағы жалғыз қазақ мектебінің мүшкіл жағдайы туралы жазба бен видео тарап, көптің талқысына ұшыраған болатын.
Тозып тұрса да, білім сапасы жоғары «Шаңырақ» мектеп-гимназиясының жай-күйін көру үшін блогерлер ескертусіз Риддер қаласына барып қайтты, деп хабарлайды Altaynews тілшісі.
Блогерлер оқушылар мен мұғалімдермен сөйлесіп, мектеп ғимаратын аралап шыққан.
Олардың айтуынша, аталмыш мектепте жұмыс жоспарға сәйкес жүріп жатқан көрінеді.
- Ал, оқу процесі әсер етпейтін және балаларға қауіп төндірмейтін жапсыра салынған ғимаратты бұзу үшін барлық заңды жұмыстар жасалған. Яғни, барлығымызға белгілі, заң жүзінде дайындалған құжаттарсыз бұзып, орнына басқа дүние салу мүмкін емес. Қазір барлық қағаз жұмыстар аяқталды, біраз күнде жаспыра салынған ғимарат бұзылады. Ол үшін конкурс бойынша мердігерлер де анықталып қойған, -дейді олар.
Оқи отырыңыз
