"Ауыл – ел бесігі" бағдарламасы аясында 64 жоба қолға алынған - ШҚО
Марқакөл, Үлкен Нарын және Катонқарағайдағы дене шынықтыру-сауықтыру кешендері құрылысы биыл аяқталады.
Бұл туралы ШҚО әкімі Даниал Ахметов қала және аудан әкімдерімен өткен кеңес барысында айтты, деп хабарлайды Altaynews тілшісі.
"Ауыл - ел бесігі" бағдарламасы бойынша биыл өңірде 64 жобаны іске асыру көзделген.
- Қолға алынған 64 жобаның үшеуі өтпелі болып табылады - бұл Марқакөл, Үлкен Нарын және Катонқарағайдағы дене шынықтыру-сауықтыру кешендері құрылыстарын аяқтау. Қалған 61 жобаға мектептерді, ауылдық клубтарды, медициналық мекемелерді жөндеу, дене шынықтыру-сауықтыру кешендерін салу, қазандықтар мен жылу желілерін жаңғырту, жолдар мен көшелерді жөндеу, көше жарығын орнату кіреді, - деп түсіндірді аймақ басшысы.
Сондай-ақ облыс әкімі құрылыс маусымының басында мердігерлерді анықтап, қаржыландыру көлемін білу үшін жобалардың барлығына арналған конкурстық рәсімдер ақпан-наурыз айларында өтуі тиіс екенін атап өтті.
Сонымен қатар оқыңыз
ШҚО-ның «Ауыл – ел бесігі» аясындағы жобаларыОблыстың инвестициялар мен құрылыс саласында өсім байқалады – ШҚО әкіміШығыс Қазақстанда 10 спорттық сауықтыру кешені салынадыМарқакөл, Бозанбай және Ақсуатта сауықтыру кешені салынады ШҚО-да "Ауыл - ел бесігі" бағдарламасы аясында 103 жоба жүзеге асырылады