Катонқарағай ауылында спорт кешені ашылады. Сондай-ақ жабық бассейіннің құрылысы аяқталуға жақын.

Бұл туралы аудан әкімі Ділдар Қалиқанұлы айтты, деп хабарлайды Altaynews тілшісі.

– Бұқаралық спортты дамыту мақсатында Катонқарағай ауылында дене шынықтыру және сауықтыру спорт кешенінің және Үлкен Нарын ауылында жабық бассейннің құрылысы жүріп жатыр, аяқталуға жақын. Шамамен, маусым айында нысандар ашылады, – деді Катонқарағай ауданының әкімі өңірлік коммуникациялар қызметінің алаңында болған баспасөз мәслихатында.

Айта кетейік, бүгінде аудан халқын спорт ғимараттарымен қамту 1000 адамға шаққанда 52,1 пайызға тең. 2025 жылға қарай 56,2 пайызға жеткізу жоспарланған.