Бүгін еліміздегі жоғары оқу орындарында білім алуға арналған стипендиялық бағдарламаға құжат қабылдау басталды.

Бағдарламаға шетел азаматтары, оның ішінде Қазақстан Республикасының азаматтығы жоқ қазақ ұлтының өкілдері қатыса алады, деп хабарлайды Altaynews тілшісі ҚР Ғылым және жоғары білім министрлігінің ресми сайтына сілтеме жасап.

Өтініш беру онлайн форматта ҚР ҒЖБМ Жоғары білімді дамытудың ұлттық орталығының https://enic-kazakhstan.edu.kz/ веб-порталы (веб-сайты) арқылы жүзеге асырылады. 

ҚР ҒЖБМ Жоғары білімді дамытудың ұлттық орталығының сайтында құжаттарды онлайн қабылдау 30 наурызда басталып, 30 маусымға дейін жалғасады.

Үміткерлерді іріктеу ұсынылған құжаттар, бейімделу әлеуетін анықтауға арналған онлайн-тестілеу нәтижелері және онлайн әңгімелесу негізінде жүргізіледі. Стипендиаттар тізімі биылғы жылдың 28 тамызына дейін жарияланады.

Қосымша сұрақтар бойынша стипендиялық бағдарлама операторына мына нөмірлер бойынша хабарласуға болады: +7 (7172) 28 75 26, 28 75 31.