KZ
Өскемен
+7°
облачно с прояснениями жел 4 м/с, ОШ
448.15 483.46 4.86

Шығыс Қазақстанның картасы жаңартылды

көрнекі сурет

21.05.2023, 16:44 302 Оразай Жеңісұлы

Үш жаңа облыстың құрылуына байланысты Қазақстанның жаңа картасы әзірленді.

Цифрлық даму, инновациялар және аэроғарыш өнеркәсібі вице-министрі Әсет Тұрысов жаңа әкімшілік-саяси картаны таныстырды, деп хабарлайды Altaynews тілшісі.

 «Қарағанды, Шығыс Қазақстан, Алматы облыстарының картасы жаңартылды және 1 миллион масштабпен Абай, Ұлытау, Жетісу облыстарының карталары әзірленді. Бұған қоса, 1:25 000 масштабпен Қарағанды, Семей, Өскемен, ал 1:10 000 масштабпен Қонаев, Жезқазған, Талдықорған қалаларының жоспар-сызбасы жаңартылды және жасалды», – деді министр.

Қазақстанның саяси-әкімшілік картасы мен алты облыстың картасын жасауға, облыс орталықтарының жоспар-сызбасын әзірлеуге 56 миллион теңге жұмсалған. Соның ішінде Қазақстан картасының өзіне 10 миллион теңге кеткен көрінеді.

«Жалпы республикалық бюджеттен 56 миллион теңге жұмсалды», – деп жауап берді Цифрлық даму, инновациялар және аэроғарыш өнеркәсібі министрлігі Геодезия және картография комитетінің төрағасы Қажымұқан Бекмұқашев.


Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив