ШҚО ТЖД тұрғындарға өңірде өрт қаупі сақталатынын ескертеді, деп хабарлайды Алтайньюс тілшісі.

ШҚО ТЖД өрт қауіпті кезеңде қатаң тыйым салынады:

- орманды дала аймағында от жағуға;

- орманға автокөліктермен, әсіресе мотоциклдермен кіруге. Себебі сөндіргіштің ұшқындары өртке себеп болуы мүмкін;

- аң аулау кезінде оқ тығынын пайдалануға. Аңшы оқ атқан кезде мылтықтан ұшып шыққан тығын құрғақ шөпке түсіп, жалын тұтануы мүмкін;

- шөпті жағуға және күн астында шыны сынықтарын қалдыруға;

- жанып тұрған сіріңкелерді, темекі тұқылдарын тастауға және темекі шегетін түтіктерден ыстық күлді түсіруге;

- жанар-жағармай заттары сіңген сүртетін материалдарды қалдыруға;

- іштен жану қозғалтқыштары жұмыс істеп тұрған кезде отын бактарына бензин құюға.

Өрт болған жағдайда бірден 101 және 112 нөмірлеріне хабар беру керек.