Акцияны дәстүрлі түрде “Өскемен көлік компаниясы” ЖШС өткізеді, деп хабарлайды Алтайньюс тілшісі.
Елімізде Қарттар күні 1 қазанда атап өтіледі. Бұл мемлекеттік мереке емес, сондықтан да қарттар күніне орай демалыс берілмейді.
Алайда, мереке ескерусіз қалмайды. Жыл сайын "Өскемен Көлік Компаниясы" ЖШС басшылығы дәстүр бойынша 1 қазанда акция өткізеді.
- Қарттар күніне орай трамвайларда барлық зейнеткерлерге жол жүру ақысы тегін болмақ. Жеңілдіктерді пайдалану үшін жолаушылардың өзімен бірге зейнетақы куәлігі болуы қажет. Бұл ретте жеке куәлікті көрсету міндетті емес,-дейді "Өскемен Көлік Компаниясы" ЖШС директоры Михаил Чайка.