ІІМ жоғалған баланы тапқан полиция қызметкерін марапаттады - Өскемен
ШҚО ПД арнайы бөлімшесінің қызметкері полиция лейтенанты Тілек Ерлібеков "Құқық тәртібін қамтамасыз етуге қосқан үлесі үшін" медалімен марапатталды.
Сондай-ақ Ішкі істер министрі Марат Ахметжанов кәмелетке толмаған Тамирлан Ахмеджановты іздеуге жұмылдырылған полицейлердің еңбегі үшін жоғары баға беріп, алғысын білдірді.
- Бала түсіп кеткен шұңқырдың тереңдігі шамамен 3 метр болады. Біздің кешіккен әр минутымыз қайғылы нәтижеге әкеп соғуы мүмкін еді, - дейді ҚР ІІМ баспасөз қызметі.
Естеріңізге сала кетейік,14 тамызда кәмелетке толмаған 12 жасар Тамирлан Ахмеджанов сағат 02:30 шамасында саяжай массивінің аумағында орналасқан үйден кетіп, қайтып оралмады.
15 тамыз күні полиция қызметкерлері баланы аман-есен тапты. Айта кету керек, баланың аутизммен ауыратыны және сөйлей алмайтыны анықталған болатын.