Өскеменнің «Бабкина Мельница» аталып кеткен шағын ауданындағы тұрғын үйлер орталық су құбырына қосылады, деп хабарлайды Алтайньюс тілшісі.

Қала әкімдігінің ақпараты сүйенсек, жоба жүзеге асқан кезде 300-ден астам үй таза ауыз сумен қамтылады.

– Аудандағы 353 үйді, бұл дегеніміз мыңнан астам адам, орталық су құбырына қосу туралы жоба дайындап жатырмыз. Жобаны биыл аяқтап, жұмысты 2023 жылы бастап кетеміз, – деді тұрғындармен кездескен қала әкімі Жақсылық Омар.

Әкімнің айтуынша, Бабкин Мельница шағын ауданын дамытуға бюджеттен 100 миллион теңге бөлінген.