Өскемен қаласының коммуналдық қызметкерлері кеше күні бойы қар күреді. Ал түнде 17 грейдер және 20 тазалаушы техника жұмыс істеді. Қала әкімдігінің мәлімдеунше, түн ортасы ауғанда тағы 40 шақты техника көшелерді тазалауға шыққан.

– Барлық орталық көшелердегі қар күрелді. Қазір қарды тасып шығарып жатырмыз. Тазалық жұмыстары жалғасады. Тротуарлар да аршылады, – дейді «Таза Өскемен» өкілдері.

Коммуналдық қызметкерлер алғашқы маусымда төпелеп жауған қарға төтеп бере алдық дейді.