ШҚО-да өртсөндірушілер жанып жатқан үйден миллион теңге алып шықты
Шығыс Қазақстан облысынданың Риддер қаласында өртсөндірушілері жанып жатқан үйден миллион теңгені алып шықты, деп хабарлайды Алтайньюс тілшісі.
Оқиғаның мән-жайын облыстық Төтенше жағдайлар департаментінің баспасөз қызметі хабарлады.
– Кеше түнде Семей көшесінде үй өртенді. Оқиға болған жерге келген құтқарушыларға үй иесі іште екі газ баллоны, ақша мен құжаттар қалғанын айтқан, - деді баспасөз қызметіндегілер.
Бүкіл үйді жалын шарпығанына қарамастан, өртсөндірушілер екі баллонды, ақша мен құжаттарды тауып, сыртқа алып шыққан. Үй иесіне заттар сол жерде қайтарылды.
Кейін өрттің шығуына жылытқын пештің дұрыс қосылмағаны себеп болғаны анықталды.