Жол апаты «Көгілдір бұғаз» демалыс базасына таяу маңда болған, деп хабарлайды Алтайньюс тілшісі.

Облыстық полиция департаментінің деректеріне сүйенсек, 38 жастағы жүргізушісі Toyota Camry маркалы көлікпен демалыс базасынан шығып, «Өскемен – Алтай – Рахман қайнары» тасжолына беттеп келе жатқан. Трассаға таяған кезде қарсы қозғалыс жолағына шығып кетіп, Mersedes маркалы шағын автобуспен соқтығысады. Содан кейін жеңіл көлік жүргізушісі жол апаты болған жерден қашып кеткен.

– Жол-көлік оқиғасы салдарынан микроавтобустағы кәмелетке толмаған екі жолаушы медициналық мекемеге жеткізілді. Алайда дәрігерлер тексеруден кейін ауруханаға жатқызудың қажеті жоқ екенін айтты, – деп хабарлады ведомствоның баспасөз қызметі.

Келесі күні оқиға орнынан қашып кеткен жүргізуші ұсталды. Куәландыру жүргізілді. Соған сәйкес енді оны әкімшілік немесе қылмыстық жауапкершілікке тарту туралы шешім қабылданады.