Бесқарағай ауданының тұрғыны қоян ұрлап қолға түсті
Бесқарағай ауданында жиырма қоян ұрланды, деп хабарлайды Алтайньюс тілшісі.
Канонерка ауылының 57 жастағы тұрғыны таңда оянып, асыранды қояндарын таппай қалады. Түнде ұрланғанын сезген ол жергілікті полиция бөлімшесіне хабарлайды.
Шағым иесінің айтуынша, 20 қоян жоғалған. Шығын мөлшері 100 мың теңге.
– Жедел іздестіру барысында полицейлер 21 жастағы жергілікті азаматты күдікті деп тапты. Күдіктінің үстінен ұрлық ісіне (Қылмыстық кодекстің 2-бап 188-бөлімі) байланысты сотқа дейінгі тергеу амалдары жүріп жатыр, – деді Полиция департаментінің баспасөз хатшысы.